യുഎഇയിൽ 13 വിഭാഗങ്ങളിലുള്ള തൊഴിൽ പെർമിറ്റുകൾ അനുവദിക്കുന്ന നടപടികൾ കൂടുതൽ ലളിതമാക്കി ഹ്യൂമൺ റിസോഴ്സസ് ആൻഡ് എമിറാറ്റെെസേഷൻ മന്ത്രാലയം (MoHRE). സർക്കാരിന്റെ സീറോ ബ്യൂറോക്രസി ( Zero Bureaucracy) പദ്ധതിയുടെ ഭാഗമായാണ് പരിഷ്കാരങ്ങൾ. പെർമിറ്റുകൾക്കായി അനുബന്ധ രേഖകൾ സമർപ്പിക്കേണ്ട നിബന്ധനകൾ ഒഴിവാക്കിയതിനു പുറമെ ചില പെർമിറ്റുകൾക്ക് ആവശ്യമായ വിവരങ്ങളുടെ എണ്ണം 75 മുതൽ 97 ശതമാനം വരെ കുറച്ചു. അപേക്ഷകൾ പൂർത്തിയാക്കുന്നതിനുള്ള സമയവും ഇതോടെ കുറയും.
തൊഴിൽ പെർമിറ്റ് സേവനങ്ങൾ കൂടുതൽ കാര്യക്ഷമമാക്കുന്നതിനായി പരിഷ്കാരങ്ങളുടെ അടുത്ത ഘട്ടത്തിനും മന്ത്രാലയം തുടക്കമിട്ടിട്ടുണ്ട്. നടപടിക്രമങ്ങൾ പുനഃക്രമീകരിക്കുക, ഭരണപരമായ നിബന്ധനകൾ കുറയ്ക്കുക, ഡിജിറ്റൽ സേവനങ്ങൾ വിപുലീകരിക്കുക എന്നിവയാണ് ലക്ഷ്യം. അപേക്ഷകൾ വേഗത്തിൽ പൂർത്തിയാക്കാനും തൊഴിലുടമകൾക്കും ജീവനക്കാർക്കും മികച്ച സേവനം ഉറപ്പാക്കാനും പുതിയ മാറ്റങ്ങൾ സഹായിക്കുമെന്നാണ് പ്രതീക്ഷ. നിലവിലുള്ള തൊഴിൽ പെർമിറ്റ് സേവനങ്ങൾ മെച്ചപ്പെടുത്തുന്നതിനായി പൊതുജനങ്ങളിൽനിന്നും ഉപഭോക്താക്കളിൽനിന്നും മന്ത്രാലയം നിർദേശങ്ങളും അഭിപ്രായങ്ങളും ക്ഷണിച്ചിട്ടുണ്ട്. ജൂലൈ 30 വരെ ഓൺലൈനായി അഭിപ്രായങ്ങൾ അറിയിക്കാനും സാധിക്കും. സേവനങ്ങൾ കൂടുതൽ ലളിതവും കാര്യക്ഷമവുമാക്കുന്നതിനുള്ള നിർദേശങ്ങളാണ് തേടുന്നതെന്ന് അധികൃതർ വ്യക്തമാക്കി.
തൊഴിൽ പെർമിറ്റ് സേവനങ്ങൾ ഏകീകൃത ഡിജിറ്റൽ സംവിധാനങ്ങളിലൂടെയും ലഭ്യമാക്കിയിട്ടുണ്ട്. തൊഴിലുടമകൾക്കും ഉപഭോക്താക്കൾക്കും ഓൺലൈനായി അപേക്ഷകൾ സമർപ്പിക്കാനും സേവനങ്ങൾ പ്രയോജനപ്പെടുത്താനും കഴിയും. പുതുക്കിയ നടപടിക്രമങ്ങളെക്കുറിച്ചുള്ള കൂടുതൽ വിവരങ്ങൾ മന്ത്രാലയത്തിന്റെ ഔദ്യോഗിക വെബ്സൈറ്റിൽ ലഭ്യമാണ്.
MoHRE അനുവദിക്കുന്ന 13 തരം തൊഴിൽ പെർമിറ്റുകൾ ഏതൊക്കെ
Content Highlights: The UAE has introduced reforms across 13 work permit categories, simplifying procedures and reducing documentation requirements for applicants.